काठमाडौँ — प्रिमियर लिगको लन्डन डर्बीमा वेस्ट ह्याम युनाइटेडले ब्रेन्टफोर्डविरुद्ध २–० को लज्जास्पद हार बेहोरेपछि क्लबको वातावरण थप विषाक्त बनेको छ।
खेल सुरु हुनु अघि नै लन्डन स्टेडियममा धेरै सिट खाली रहेका थिए भने खेलको दौरान र अन्त्यतिर समर्थकहरू झन् धेरै संख्यामा स्टेडियमबाट बाहिरिन थाले ।
अन्तिमसम्म बसेका दर्शकले निराशाजनक प्रदर्शनप्रति असन्तुष्टि व्यक्त गर्दै आफ्नै टिमलाई हूटिङका साथ मैदानबाट बाहिर पठाए।
समर्थकहरूको भनाइमा, टिम २–० ले मात्र होइन, खेलको स्तर हेर्दा ‘५–०ले हार्नुपर्ने जस्तो’ प्रदर्शन गरेको थियो।
