काठमाडौँ — इंग्ल्यान्डले लाट्भियामाथि ५–० को प्रभावशाली जित निकाल्दै आगामी वर्ष हुने विश्वकपमा आफ्नो स्थान सुनिश्चित गरेको छ।
मुख्य प्रशिक्षक थोमस टुचेलको नेतृत्वमा इंग्ल्यान्डले छनोट चरणमा उत्कृष्ट प्रदर्शन गर्दै दुई खेल अगावै विश्वकपमा प्रवेश गरेको हो।
खेलको २६औं मिनेटमा एन्टोनी गर्डनले गोल गर्दै इंग्ल्यान्डलाई अग्रता दिलाए। त्यसपछि कप्तान ह्यारी केनले पहिलो हाफमै दुई गोल थपे — पहिलो पटक दुरदेखि प्रहार गर्दै र दोस्रो पटक पेनाल्टीमार्फत।
दोस्रो हाफमा लाट्भियाका आन्द्रेज सिगानिक्सले ड्जेड स्पेन्सको क्रस रोक्ने प्रयासमा आत्मघाती गोल गरेपछि अन्तर ४–० भयो। खेलको अन्त्यतिर एबेरेची एजेले उत्कृष्ट व्यक्तिगत प्रयासबाट गोल गर्दै इंग्ल्यान्डको जितलाई ५–० मा पुर्याए।
यस जितसँगै इंग्ल्यान्डले प्रशिक्षक टुचेलको नेतृत्वमा पहिलो छनोट अभियानमै अपराजित रहँदै दुई खेल बाँकी छँदै विश्वकपको टिकट पक्का गरेको छ।
