काठमाडौँ-
अमेरिकामा जारी क्लब विश्व कप २०२५ मा इन्टर मियामीले युरोपेली क्लब एफसी पोर्टोविरुद्ध ऐतिहासिक जित दर्ता गर्दै प्रतियोगितामा सशक्त सन्देश दिएको छ। घरेलु मैदान हार्ड रक स्टेडियममा सम्पन्न खेलमा मियामीले २–१ को रोमाञ्चक जित निकाल्दै समूह चरणमा शीर्ष स्थानको सम्भावना कायम राखेको छ।
३२औं मिनेटमा: पोर्टोका सामु अगहेहोवाले पेनाल्टीमार्फत गोल गर्दै टोलीलाई अग्रता दिलाएका थिए।
५७औं मिनेटमा: मियामीका युवा खेलाडी तेलास्को सेगोभियाले बराबरी गोल गर्दै टोलीलाई उर्जा दिएका थिए।
७८औं मिनेटमा: कप्तान लिओनेल मेस्सीले सिधा फ्रिकिकमार्फत गोल गर्दै खेललाई २–१ मा परिणत गरेका थिए।
यो मेस्सीको इन्टर मियामीका लागि ५०औं गोल थियो, र उनी ‘म्यान अफ द म्याच’ पनि घोषित भएका छन्।
