काठमाडौँ-
अमेरिकाको फिलाडेल्फियामा जारी २०२५ क्लब विश्व कप प्रतियोगितामा इंग्लिस क्लब चेल्सीले शानदार सुरुवात गरेको छ। प्रतियोगिताको समूह ‘डी’ अन्तर्गत सम्पन्न पहिलो खेलमा चेल्सीले घरेलु टोली एलएएफसीलाई २–० ले पराजित गर्दै तीन महत्वपूर्ण अंक हासिल गरेको हो।
पेड्रो र एन्जोको गोलले जित सुनिश्चित
खेलको पहिलो हाफमा नै पेड्रो नेटोले गोल गर्दै चेल्सीलाई अग्रता दिलाएका थिए। दोस्रो हाफमा एन्जो फर्नान्डेजले अर्को गोल थप्दै जितलाई सुनिश्चित गरे।
खेलभरि उत्कृष्ट प्रदर्शन गरेका गोलकिपर रबर्ट सान्चेजले विपक्षी टोलीका निर्णायक प्रहारहरू रोकेर ‘क्लिन सिट’ सुरक्षित राख्न सफल भए।
६ नयाँ अनुहारको डेब्यु, भविष्यप्रति आशावादी चेल्सी
यो खेलमार्फत चेल्सीले आगामी पुस्तालाई प्राथमिकता दिँदै ६ नयाँ खेलाडीलाई पहिलोपटक मैदानमा उतारेको थियो।
गोलरक्षक: माइक पेंडर्स
रक्षक: मामादु सार, एरोन अन्सेलमिनो
मिडफिल्डर: एन्ड्री सान्टोस, डारियो एस्सुगो
फरवार्ड: लियम डेलाप
