रियल म्याड्रिडका प्रमुख प्रशिक्षक कार्लो एन्सेलोटी सन् २०२५ को मे महिनामा क्लबबाट बिदा लिएर ब्राजिल राष्ट्रिय फुटबल टोलीको मुख्य प्रशिक्षक बन्ने पक्का भएको छ।
६५ वर्षीय इटालियन प्रशिक्षक एन्सेलोटीले लामो समय युरोपेली फुटबलमा काम गर्दै आएका छन्। उनले आफ्नो दुई कार्यकालमा रियल म्याड्रिडलाई कुल १५ उपाधि जिताएका छन्, जसमा दुई च्याम्पियन्स लिग र दुई ला लिगा उपाधि पनि समावेश छन्।
ब्राजिल फुटबल महासंघ (CBF) ले एन्सेलोटीको स्वागत गर्दै उनलाई “विश्व फुटबलको दिग्गज” भनेर सम्मान प्रकट गरेको छ। महासंघका अनुसार एन्सेलोटी र ब्राजिलको यो सहकार्य फुटबल इतिहासको एउटा नयाँ अध्याय हुने विश्वास गरेको छ।
एन्सेलोटीले डोरिवाल जुनियरको स्थान लिनेछन्, जसले अर्जेन्टिनासँगको ४-१ को हारपछि आफ्नो पद गुमाएका थिए। ब्राजिल हाल विश्वकप छनोटको दक्षिण अमेरिकी क्षेत्रको चौथो स्थानमा रहेको छ। यद्यपि, टोलीको प्रदर्शन कमजोर रहे पनि २०२६ विश्वकपका लागि छनोट हुने सम्भावना बलियो रहेको छ।
एन्सेलोटीको नेतृत्वमा ब्राजिलको पहिलो खेल पराग्वे र त्यसपछि इक्वेडरसँग आगामी छनोट प्रतियोगितामा हुनेछन्। यसैबीच, रियल म्याड्रिडमा एन्सेलोटीको उत्तराधिकारीको रूपमा बायार लेभरकुसेनका प्रशिक्षक तथा पूर्व रियल म्याड्रिड खेलाडी जाबी आलोन्सोको नाम अगाडि आएको छ।
