काठमाडौं । बागमती लोकतान्त्रिक फुटबल टोली विभागीय टोली नेपाल पुलिस क्लबलाई हराउँदै सभापति कपको सेमिफाइनलमा प्रवेश गरेको छ ।
शनिबार दशरथ रंगशालामा भएको क्वाटरफाइनलमा बागमतीले पुलिसलाई २-१ ले पराजित गरेको हो । पुलिसले सुजन मगरको गोलमा पहिलो हाफमा अग्रता लिएपनि दोस्रो हाफमा २ गोल खान पुगेको हो ।
५७ औं मिनेटमा अमित तामाङको पेनाल्टी गोलमा बागमतीले बराबरी गरेको थियो ।
इन्ज्युरी समयमा आइकिन्स बफोरको गोलमा बागमतीले खेल जितेको हो । गोलरक्षक विकेश कुथुको कप्तानीमा रहेको बागमतीले अब सेमिफाइनलमा एनआरटी र फ्रेन्ड्सको विजेतासँग खेल्नेछ ।
चौथो क्वाटरफाइनलमा फ्रेन्ड्स र एनआरटिले आइतबार खेल्नेछन् ।
