काठमाडौ- ग्लोबल टि-२० क्यानडामा लिगमा नेपाली क्रिकेटर दीपेन्द्र सिंह ऐरी र सन्दीप लामिछाने सम्मिलित भेनकुवर नाईट्स पराजित भएको छ ।
भेनकुवर टोरोन्टो नेसनल्ससँग १९ रनले पराजित भएको हो ।
टोरोन्टोले दिएको १२८ रनको लक्ष्य पछ्याएको भेनकुवरले १८.५ ओभरमा अल आउट हुदै १०८ रन मात्र बनायो ।
भेनकुवरका लागि रिचि बेरिङ्टनले सर्वाधिक ५२ रन बनाए । रिजा हेनरिक्सले १७, दीपेन्द्र सिंह ऐरीले १३ र कप्तान उस्मान ख्वाजाले १० रन जोडे ।
टोरोन्टोका लागि रोमारियो शेफर्डले ३, मोहम्मद नवाजले २ तथा जोसेन बेहरानड्राफ्ट, जुनैद सिद्धिकी, साद विन जाफरले समान १-१ विकेट लिए ।
