काठमाडौँ-
विश्वका चर्चित बक्सर साओल ‘कानेलो’ अल्भारेज र अविजित अमेरिकी बक्सर टेरेन्स क्रोफोर्डबीचको ‘सदियाको भिडन्त’ को मिति तय भएको छ। यो महत्त्वपूर्ण लडाई सेप्टेम्बर १३, शनिबार लस भेगासमा हुने भएको छ।
अल्भारेज हाल सुपर-मिडलवेट डिभिजनका सबै चार विश्व खिताब धारण गर्ने एक मात्र खेलाडी हुन् भने क्रोफोर्डले सबै ४१ पेशागत लडाईमा विजय हासिल गरिसकेका छन्। यसले यो भिडन्तलाई बक्सिङ इतिहासकै ठूलो र रोमाञ्चक लडाई बनाएको छ।
यो लडाई नेटफ्लिक्समा विश्वव्यापी प्रशारण गरिनेछ र यसलाई साउदी अरबको मनोरञ्जन प्राधिकरणका अध्यक्ष टुर्की अलाल्शिखले ‘सदियाको लडाई’ भनेर सम्मान दिएका छन्। साथै, यो लडाई UFC अध्यक्ष डाना ह्वाइट को सहकार्यमा पहिलो पटक प्रमोट हुने बक्सिङ लडाई पनि हो।
UFC अध्यक्ष डाना ह्वाइटले भने,
“टुर्की अलाल्शिखले प्रशंसकहरूले हेर्न चाहेका सबैभन्दा ठूलो लडाईहरू आयोजना गर्न चाहन्छन्। कानेलो र क्रोफोर्डको भिडन्त प्रमोट गर्ने अवसर मेरो लागि एकपटकको सपना जस्तै हो।”
अल्भारेजले पछिल्लो महिना विलियम स्कुललाई हराएर आफ्नो IBF बेल्ट पुनः प्राप्त गरेपछि सबै चार विश्व खिताबहरू पुनः आफ्नो नाम गरेका थिए। उनले भने,
“म फेरि विश्वकै उत्कृष्ट खेलाडी भएको प्रमाणित गर्न तयार छु।” क्रोफोर्डले पनि आफ्नो अविजित रेकर्डमा गर्व व्यक्त गर्दै भने, “मेरो अविजित रेकर्ड आफैँ बोल्छ। म जुनसुकै विपक्षी र वजन वर्गमा पनि सबैलाई परास्त गर्दै आएको छु।”
