काठमाडौं — नेपाली महिला राष्ट्रिय फुटबल टोलीको इन्डोनेसियामा हुने अन्तर्राष्ट्रिय त्रिकोणात्मक मैत्रीपूर्ण सिरिजका लागि आज औपचारिक रूपमा बिदा भएको छ।
उक्त सिरिजमा नेपालसँगै आयोजक इन्डोनेसिया तथा चिनियाँ ताइपेइ सहभागी हुनेछन्।
आज अखिल नेपाल फुटबल संघ (एन्फा) ले टोलीलाई शुभकामना सहित बिदाइ गर्दै सफल यात्राको कामना गरेको छ। अन्तर्राष्ट्रिय मैदानमा राष्ट्रको प्रतिनिधित्व गर्न लागेको नेपाली टोलीलाई एन्फाले आत्मविश्वासका साथ उत्कृष्ट प्रदर्शन गर्ने अपेक्षा व्यक्त गरेको छ।
