काठमाडौं — नेपाल प्रिमियर लिग (एनपीएल) दोस्रो संस्करणमा सुदूरपश्चिम रोयल्सले आफ्नो दबदबा कायम राख्दै लगातार पाँचौं जित दर्ता गरेको छ।
शनिबार त्रिवि क्रिकेट मैदानमा भएको दोस्रो खेलमा सुदूरपश्चिमले जनकपुर बोल्ट्सलाई ६ विकेटले पराजित गर्यो। १४६ रनको लक्ष्य पछ्याएको सुदूरपश्चिमले १७.४ ओभरमा ४ विकेट गुमाउँदै सहज जीत हासिल गर्यो।
यो जितसँगै सुदूरपश्चिम प्लेअफमा पुग्ने पहिलो टिम बनेको छ।
यस नतिजाले जनकपुर बोल्ट्सको प्लेअफ पुग्ने सम्भावना झनै क्षीण बनेको छ। यसअघि खेलेका तीनै खेलमा पराजित जनकपुर आज पनि हार्दै झन् दबाबमा परेको छ।
पाँच खेलमा पाँचै जित निकाल्दै सुदूरपश्चिमले प्लेअफ यात्रा पक्का गरेको हो।
