काठमाडौँ- नेपाल क्रिकेट संघ (CAN) ले आज एक विशेष समारोहमार्फत नेपाल दृष्टिविहीन महिला क्रिकेट टोलीलाई नगद रु १० लाख प्रदान गरी सम्मान गरेको छ। हालै भारत र श्रीलङ्कामा सम्पन्न दृष्टिविहीन महिला टी–२० विश्वकप २०२५ मा नेपालले उपविजेता बन्न सफल भएको थियो।
कार्यक्रममा CAN का पदाधिकारीहरूले टोलीले अन्तर्राष्ट्रिय स्तरमा देखाएको उत्कृष्ट प्रदर्शनले देशको सम्मान बढाएको भन्दै आगामी दिनमा अझै प्रभावकारी सहयोग र संरचनागत समर्थन प्रदान गर्ने प्रतिबद्धता व्यक्त गरे।
उपस्थित अतिथिहरूले विश्वकपमा टोलीले प्रस्तुत गरेको जुझारू खेल, दृढसंकल्प र निरन्तर मेहनतको प्रशंसा गर्दै सम्पूर्ण महिला खेलाडी तथा व्यवस्थापनलाई हार्दिक बधाई तथा शुभकामना व्यक्त गरे।

