नेपालले त्रिकोणात्मक ट्वान्टी-२० शृंखलामा बिहीबार ओमानलाई ५६ रनले पराजित गरेको छ ।
१५८ रनको लक्ष्य पछ्याएको ओमान १७.५ ओभरमा १०१ रनमा अल आउट भयो ।
नेपालका कुशल भुर्तेलले ३, रिजन ढकाल, रोहित पौडेल र सन्दीप लामिछानेले २-२ विकेट लिए ।
त्यसअघि किंग सिटीमा टस हारेर पहिला ब्याटिङको निम्तो पाएको नेपालले २० ओभरमा ७ विकेट गुमाउँदै १५७ रन बनाएको थियो ।
नेपालको जितमा कप्तान रोहित पौडेलले ४४ बलमा २ चौका र ४ छक्कासहित ५६ रनको अविजित अर्धशतकीय इनिङ खेलेका थिए ।
नेपालले दुई २ र २ हारपछि ४ अंक बनाएको छ। ३ खेल खेलेको ओमानसँग २ अंक रहेको छ।
