काठमाडौँ — साउदी अरबको जेद्दाहमा सम्पन्न पाँच गोलको रोमाञ्चक स्पेनिस सुपर कप फाइनलमा बार्सिलोनाले चिरप्रतिद्वन्द्वी रियल म्याड्रिडलाई पराजित गर्दै लगातार दोस्रो पटक उपाधि जितेको छ। फाइनलमा बार्सा ३-२ गोलले विजयी बनेको हो।
हान्सी फ्लिकको प्रशिक्षणमा रहेको बार्सिलोनाले प्रतियोगितामा आफ्नो १६औँ उपाधि हात पारेको हो। बार्सिलोनाले गत वर्षको फाइनलमा पनि रियल म्याड्रिडलाई नै हराएको थियो।
बार्सिलोनाले दबाबपूर्ण अन्त्य सामना गर्दै जित सुरक्षित गर्यो। यससँगै क्लबले सन् २०११ पछि पहिलो पटक स्पेनिस सुपर कप लगातार दुई पटक जित्न सफल भएको हो।
