काठमाडौं — दोस्रो संस्करणको नेपाल प्रिमियर लिग (एनपीएल) क्रिकेटअन्तर्गत आज त्रिवि क्रिकेट मैदानमा एउटा मात्र महत्वपूर्ण खेल हुँदैछ। अपराह्न ४ बजे लुम्बिनी लायन्स र जनकपुर बोल्ट्स आमनेसामने हुनेछन्।
तालिकाको चौथो स्थानमा रहेको लुम्बिनी लायन्सले ६ खेलबाट ६ अंक जोडेको छ। आजको खेलमा जित हात पारे लुम्बिनी प्लेअफ पुग्ने अन्तिम टोली बन्नेछ।
पाँच खेलमा २ अंक मात्रै जोडेको जनकपुर बोल्ट्सका लागि भने आजको खेल अत्यन्तै निर्णायक छ। जनकपुरले जित निकाल्न सके पनि प्लेअफ सम्भावना अन्य खेलका नतिजा र शुद्ध रनरेट (NRR) मा निर्भर रहनेछ।
यसअघि सुदूरपश्चिम रोयल्सले चितवन राइनोजलाई ४९ रनले पराजित गर्दै लगातार दोस्रो वर्ष क्वालिफायर–१ मा स्थान सुरक्षित गरिसकेको छ।
