काठमाडौँ । ला लिगामा बार्सिलोनाले एट्लेटिको माड्रिडलाई ३–१ ले पराजित गर्दै शीर्ष स्थानमा चार अंकको अग्रता बनाएको छ। खेलमा एक गोलले पछि परेको बार्साले उत्कृष्ट पुनरागमन गरेको हो।
नाउ क्याम्पमा भएकाे खेलमा एट्लेटिकोका लागि अलेक्स बायेना १९औँ मिनेटमा गोल गर्दै अग्रता दिलाएका थिए। बार्सिलोनाको उच्च डिफेन्स लाइन पछाडि गरिएको लामो पासमा बायेना दौडिएर पुगे र गोलकिपर जोआन गार्सियामाथि चिप प्रहार गर्दै गोल गरे। सहायक रेफ्रीले पहिलो पटक अफसाइड देखाए पनि VAR जाँचपछि गोल मान्यता पायो।
७ मिनेटमै बार्सिलोनाका राफिन्हाले बराबरी गोल फर्काए। पेड्रीको उत्कृष्ट थ्रु–बलमा दौडिंदै पुगेका उनले गोलकिपर ओब्लाकलाई छलेर बर्खिलागेको जालीमा बल पठाए।
बार्साले पहिलो हाफको बाँकी समय दबाब कायम राख्यो र पाब्लो बारियोसले डानी ओल्मोलाई फाउल गरेपछि पेनाल्टी पायो। तर रोबर्ट लेवान्डोस्कीले प्रहार बार नै नजिकै माथिबाट बाहिर प्रहार गरे।
दोस्रो हाफ रोमाञ्चक बन्दै गएसँगै खेल दुवै तिरबाट तीव्र गतिमा चल्यो। २५ मिनेट बाँकी हुँदा यामालको उत्कृष्ट ड्रिबलपछि पुगेको बललाई ओल्मोले सजिलै दोस्रो गोलमा परिणत गर्दै बार्सालाई अग्रता दिलाए। गोल गर्दाैँ क्रममा ओल्मोले काँधमा चोट पनि व्यहोर्नुपर्यो।
एट्लेटिकोका थियागो अल्मादाले बार्साका गोलकिपर छलेर पनि खाली पोष्टमा गरिएको ‘सुनिश्चित’ मौका गुमाएपछि उनीहरू खेलमा फर्किन सकेनन्। खेल सकिन १० मिनेट अघि एलेहान्द्रो बाल्डेको क्रसलाई नियन्त्रणमा ल्याएर फेरान टोरेसले नजिकैबाट तेस्रो गोल थप्दै बार्साको जित पक्का गरे।
जितसँगै बार्सिलोना शीर्षमा चार अंकको अग्रता बनाउन सफल भएको छ।
