काठमाडौँ— पूर्व लेस्टर स्ट्राइकर जेमी वार्डीले नयाँ क्लब क्रेमोनेसका लागि आफ्नो पहिलो गोल गर्दै एटालान्टासँगको सेरी ए खेल १–१ बराबरीमा सकिएको छ।
३८ वर्षिय वार्डीले गत सिजनको अन्त्यमा लेस्टर छोड्दै १३ वर्षे करियरमा ५०० खेलमा २०० गोल गर्ने गौरव हासिल गरेका थिए। त्यसपछि उनी सेप्टेम्बरमा नव–उत्थित क्लब क्रेमोनेसमा फ्री ट्रान्सफरमा गए।
वार्डीले आफ्नो चौथो लिग खेलमा ७८औँ मिनेटमा रिबाउन्डमा आएको बललाई गोलमा परिणत गरे। उनले गोलको खुसीमा कार्टव्हील र ब्याकफ्लिप प्रदर्शन गरे। तर एटालान्टाका मार्को ब्रेसीयानिनीले ६ मिनेटमै बराबरी गोल गर्दै अंक बाँडे।
क्रेमोनेस अहिले सेरी ए तालिकामा १०औँ स्थानमा छन्, जहाँ उनीहरूले आठ खेलमा दुई जीत र पाँच बराबरी हासिल गरेका छन्।
