काठमाडौँ- म्यानचेस्टर युनाइटेडका प्रशिक्षक रुबेन अमोरिमले आफ्नो टोलीको हालको उत्कृष्ट प्रदर्शनबारे अझै सतर्कता अपनाइरहेका छन्। उनले टीमको सुधारलाई अहिलेलाई मात्र तीन हप्ताको परिणाम भन्दै भविष्यको सुनिश्चितता भने दिएनन्।
तीन हप्ताअघि युनाइटेड सन्डरल्यान्डसँगको खेलअघि आलोचनाको सामना गर्दै थियो, जहाँ यदि टोलीले हार्थ्यो भने अमोरिमको जागिर जोखिममा पर्ने चर्चा चलिरहेको थियो। तर क्लबका वरिष्ठ अधिकारीहरूले त्यस अवधारणालाई स्पष्ट रूपमा अस्विकार गरेका थिए।
युनाइटेडले त्यसपछि लगातार जीत हासिल गर्दै अनफिल्डमा लिभरपुललाई हरायो र हालै ब्राइटनमाथि ४-२ को विजय प्राप्त गर्दै तालिकामा चौथो स्थानमा पुगेको छ। यो जीतले टीमको गोल अन्तर पनि सकारात्मक बनाएको छ।
अमोरिमले भने, “हाम्रो टोली यो सिजनको सुरुवातदेखि गत वर्षको तुलनामा निकै राम्रो खेलिरहेको छ। तर तपाईंले भन्नुभयो जस्तो, यो तीन हप्ताअघिको अवस्था थियो। अर्को तीन हप्तामा फेरि स्थिति बदलिन सक्छ।”
