काठमाडौँ । इन्टर मियामीले लुइस सुारेजको दुई गोलको मद्दतले दोस्रो हाफमा शानदार कमब्याक प्रयास गरे पनि अन्ततः शिकागो फायरसँग ५–३ ले पराजित भएको छ ।
मंगलबार राति चेस स्टेडियममा भएको खेलमा मियामीका लागि यो वर्षको ५४औँ खेल थियो। प्लेअफको तयारी गर्दै मैदान प्रवेश गरेको मियामीले घरेलु समर्थकलाई उत्साहित पार्ने अवसर पाएको भए पनि सुरुवाती मिनेटमै दबाब झेल्नुपर्यो।
खेलको ११औँ मिनेटमा शिकागोले ड्जे ताह ड’आभिलाको हेडर गोलबाट अग्रता लियो। मारन हाइले–सेलासेले दिएको कोर्नर क्रसलाई उनले बक्सभित्र शक्तिशाली हेडमा गोलमा परिणत गरे।
मियामी प्रशिक्षक जाभियर माश्चेरानोले पहिलो हाफमा रणनीति परिवर्तन गरेका थिए। उनले हारको पूर्ण जिम्मेवारी आफूले लिएको बताएका छन् र खेलमा रहेका खेलाडीहरूको प्रदर्शन दोषरहित रहेको बताए।
यो हारसँगै इन्टर मियामीले प्लेअफमा स्थान पक्का गरिसकेको भए पनि शीर्ष स्थानको प्रयासमा झटका पुगेको छ। उता, शिकागो फायरले २०१७ पछि पहिलोपटक प्लेअफमा स्थान सुरक्षित गर्दै ऐतिहासिक सफलता हासिल गरेको छ।
