काठमाडौं । युरोपेली फुटबल संघले घरेलु लिगका खेलहरू विदेशमा लैजाने प्रस्तावमा तत्काल निर्णय नगर्ने जनाएको छ।
भिल्लारियाल र बार्सिलोनाबीचको खेल अमेरिकामा तथा एसी मिलान र कोमोबीचको खेल अष्ट्रेलियामा आयोजना गर्ने सम्भावनाले व्यापक बहस उत्पन्न गरेपछि UEFA ले थप परामर्श आवश्यक ठानेको हो।
समर्थकहरूले खेल आफ्नै शहर र समुदायमै हुनुपर्ने भन्दै तीव्र विरोध जनाएपछि संघले अन्तिम निर्णयलाई स्थगित गरेको हो। यस विषयमा क्लब, समर्थक र सरोकारवालासँग विस्तृत छलफल गरेर मात्रै अघि बढ्ने UEFA को भनाइ छ।
अब यस विषयमा अन्तिम निर्णय आउँदो डिसेम्बरमा हुने UEFA कार्यकारी समितिको बैठकमा गरिने अपेक्षा गरिएको छ।
