काठमाडौँ – एफसी बार्सिलोनाका ब्राजिली विङ्गर राफिन्हाले क्लबसँग नयाँ सम्झौतामा हस्ताक्षर गर्दै आफ्नो भविष्य क्याम्प नोउमै सुनिश्चित गरेका छन्। नयाँ सम्झौता अनुसार उनी सन् २०२८ सम्म बार्सिलोनामै रहनेछन्।
२८ वर्षीय राफिन्हाले बार्सिलोनामा बिताएका दुई सिजनमा उल्लेखनीय योगदान दिएका छन्, जसमा गोल र असिस्टको संयोजनले उनलाई पहिलो रोजाइका खेलाडी बनाएको छ।
सम्झौता हस्ताक्षरपछि उनले भने, “बार्सिलोनामा मैले आफूलाई घरजस्तै अनुभूति पाएको छु। यहाँबाट नै आफ्नो करियर टुंग्याउने सपना रहेको छ।”
बार्सिलोनाका प्रशिक्षक र प्रशासकहरूले राफिन्हाको समर्पण र निरन्तर सुधारको प्रशंसा गर्दै उनलाई टोलीको भविष्यको मेरुदण्डको रूपमा प्रस्तुत गरेका छन्।
