काठमाडौँ – विश्व नम्बर एक नोवाक जोकोभिचले आफ्नो ३८औं जन्मदिनको अवसरमा इटालियन युवा खेलाडी माटेओ अर्नाल्डीमाथि प्रभावशाली जित निकाल्दै जिनेभा ओपनको सेमिफाइनलमा स्थान बनाएका छन्। अप्रिलमा अर्नाल्डीसँगको पराजयको बदला लिँदै जोकोभिचले ६–४, ६–४ को सोझो सेटमा जीत निकालेका हुन्।
उनले अब सेमिफाइनलमा बेलायती खेलाडी क्यामरुन नोरी सँग प्रतिस्पर्धा गर्नेछन्। नोरीले अघिल्लो चरणमा अष्ट्रेलियन खेलाडी अलेक्सी पोपिरिनलाई ७–६ (८–६), ६–४ ले हराएका थिए।
२०२५ मा पहिलो क्ले कोर्ट जित:
हालसम्म २०२५ को सिजन जोकोभिचका लागि संघर्षपूर्ण रहँदै आएको थियो। उनी मियामी ओपनको फाइनलमा हार खाँदै, त्यसपछि मड्रिड र मोन्टे कार्लोमा सुरुआती चरणमै बाहिरिएका थिए। तर जिनेभा ओपनमा उनले पुनः लय समात्दै हिजो मार्टन फुचोभिक्समाथि जित हासिल गरे — जुन यस सिजनको पहिलो क्ले कोर्ट जित थियो।
इतिहासको नजिक:
यो जितसँगै जोकोभिच अब एटीपी टुरको आफ्नो १००औं एकल उपाधि तर्फ दुई जित टाढा छन्। ओपन युगमा यस्तो उपलब्धि जिमी कोनर्स (१०९) र रोजर फेडरर (१०३) ले मात्र हासिल गरेका छन्।
