काठमाडौँ- चर्च बोइज युनाइटेडलाई पराजित गर्दै संकटा क्लब सभापति कपको सेमिफाइनलमा प्रवेश गरेको छ।
आजबाट दशरथ रंगशालामा सुरु भएको सभापति कपको उद्घाटन खेलमा संकटाले चर्चलाई ३-० गोलले पराजित गरेको हो।
संकटानलाई जिताउन एबिका रिचार्डले २ गोल गर्दा बोटिङ ओउसुले १ गोल थपेका थिए।
प्रतियोगितामा ८ टिमको सहभागिता रहेको छ । प्रतियोगिताको भीआईपीतर्फ ३ सय र साधारणतर्फ १ सय रुपैयाँ टिकट मूल्य निर्धारण गरेको छ । प्रतियोगिताको विजेताले २६ लाख पुरस्कार पाउने छ भने उपविजेता टोलीले १३ लाख रुपैयाँ प्राप्त गर्नेछ ।
यसैगरी हरेक खेलमा म्याच फीको रूपमा प्रत्येक टिमले ५० हजार पाउने छन् भने प्लेयर अफ दी म्याचलाई १५ हजार रुपैयाँ प्रदान गरिने छ ।
सर्वोत्कृष्ट खेलाडीलाई ७५ हजार, उत्कृष्ट गोलकिपरलाई ५० हजार, सर्वाधिक गोलकर्तालाई ५० हजार र उदीयमान खेलाडीलाई २५ हजार प्रदान गरिने छ ।
